مصري
إحنا ما إتهزمناش في كاس العالم وبعده كاس إفريقيا….. إحنا إتهزمنا من زمان
إتهزمنا لما تخلينا عن البحث العلمي و مشينا ورا … الشيوخ و الدراويش …
إتهزمنا لما بقينا بنقول … مسلم و مسيحي .
إتهزمنا لما المرأة المصرية الرائعة إقتنعت إنها عورة و ناقصة عقل مع إنها كانت شديدة الرقي و الجمال من أقل من أربعين سنة و كانت من ألاف السنين … ملكة.
إتهزمنا لما بقي المهندس و الطبيب و أستاذ الجامعة يقعدوا القرفصاء أمام شيخ ماخدش الابتدائية ويستمعوا له بكل تركيز … بل يخطط و يقرر لهم كل حياتهم .
إتهزمنا لما بقت شيخة لا قيمة لها تسيطر على ملايين النساء و تلغي عقولهم تماما في الدرس الديني ويصبحوا دمى تحركهم كيفما شاءت .
إتهزمنا لما تصورنا الدين دقن و نقاب و حجاب و ليس … أخلاق و معاملة .
إتهزمنا لما تمكن داعية ديني لزج و أفاق من أن يُلبس الملايين الطرح … و صدقوه .
إتهزمنا لما بقينا شايفين أن الدكتور العالم العظيم ورجل الخير مجدي يعقوب في النار لأنه مسيحي و أن الشيخ يعقوب … أعلم علماء الأمة .
إتهزمنا لما بقينا مرعوبين و مذعورين من مجرد التفكير .. و لا نجرؤ حتى على مناقشة ما زرعوه داخل عقولنا بل و ندافع عنه بإستماتة .. حتى لو كان كلام فارغ .
إتهزمنا لما بقت أعلى التبرعات لبناء دور العبادة و أقلها … لمراكز البحث العلمي… .
إتهزمنا لما بقت حياتنا مزايدات دينية في منتهى … السخافة و الزيف و السطحية .
إتهزمنا لما سمينا المنتخب … فريق الساجدين .
إتهزمنا لما سمينا اللاعب المحترف محمد صلاح … أبو مكة .
إتهزمنا لما قالوا لنا إن الملايكة بتلعب مع المنتخب … و صدقناهم .
إتهزمنا لما بقينا لا ندرك الفرق بين المعارضة بشرف و بين … قلة الأدب و السفالة .
إتهزمنا لما سلمنا عقولنا لشوية آفاقين … و في أحسن تقدير محدودي الذكاء .
معركتنا الحقيقية مش في ماتش كورة و لكنها معركة بين العلم و الحداثة أمام الجهل و التخلف، وللأسف علينا أن نعترف بالهزيمة و أن التخلف هو المنتصر حتي الآن .
إحنا ماحدش هزمنا … إحنا اللي هزمنا نفسنا و هنفضل نتهزم طالما تخلينا عن عقولنا ………………. إحنا إتهزمنا لما بقينا دراويش .